Un grupo di kuater astronaut a logra un hazaña históriko den eksplorashón di espasio despues ku nan a bula rondó di e luna na e mishon Artemis II, markando e promé biahe humano rondó di e luna den mas ku 50 aña i bati e rekort di distansia humano for di Tera.

Durante e flyby monumental, nan a pasa aproksimadament 6 ora rondó di e luna, na un distansia di mas ku 250,000 miya for di Tera, bati e rekort anterior durante e mishon Apollo 13 den 1970. E kápsula Orion, ku nan mes a nombra “Integrity”, a duna nan un bista di e banda suku di luna i di su superfisie yena ku buraku ku hopi hende no a yega di mira.

Na un momento krítiko, ora e nave a pasa dilanti e luna, e señal di radio a wòrdu blòkiá pa un periodo di mas o ménos 40 minüt, ku ta un fase sin ningun komunikashon  ku Tera. E situashon no ta peligroso pa e astronautanan, pero sí ta un di e partinan mas krusial i simbóliko di e mishon, pasobra nan mester kontinuá su operashon sin asistensia direkto di kontrol di mishon.

NASA a prepará pa e situashon ku teknologia avansá basá riba Deep Space Network i Near Space Network, ku ta permití señal i data entre distansianan grandi. Ora Orion a sali for di patras di luna, e kontakto a wòrdu restablesé normal pa kontinuá kontrol i aktualisashon di e mishon.

E evento no ta solamente un triunfo pa NASA, sino tambe un símbolo di inklushon i kolaborashon internashonal den eksplorashon di espasio. E tripulashon diverso: Reid Wiseman, Victor Glover, Christina Koch i Jeremy Hansen ta pone base pa futuro mishonnan ku ta apuntá pa aterisá hende riba luna i mas aya.

E momento sin kontakto tambe resaltá e distansia enorme i soledat ku ta envolví biba den espasio profundo, i e desafionan tékniko pa mantené komunikashon kontinuo ku destinonan distansia.

E mishon Artemis II ta un paso klave den regreso di humanidat na luna i ta prepará kaminda pa e siguiente mishon ku ta Artemis III, ku probablemente lo logra un aterisahe humano riba luna den aña 2028, i mas despues e mishon Artemis IV ku ta plania pa kontinuá eksplorashon lunar i espasio profundo.

Advertisement