Dos kandela den dos dia na lèntfel di Lagun

Naturalesa i Medio Ambiente

Dos kandela den dos dia na lèntfel di Lagun

Pa AC 12 Jan, 2026 5 Min Lesa 17 Bishitante

Habitantenan di Lagun i barionan rondó a bolbe eksperensiá inkumbiniensia serio dor di desaroyo di huma den e último dos dianan komo resultado di kandela na lèntfel di Lagun.

Riba 11 di yanüari 2026, un kandela a surgi na lèntfel na Lagun. E promé melding a drenta pa 2:31am, despues ku personal di seguridat a opservá desaroyo di huma i poko despues a deskubrí vlamnan. Gobièrnu di Boneiru a emití un komunikado kaminda ta informá ku e kandela tabata bou di kòntròl i kompletamente paga pa 4:24 di mardugá.

Na yegada di Brantwer Hulanda Karibense (BKCN), a resultá ku Selibon a kuminsá kombatí e kandela kaba. Tabata trata di un kandela bou di tera ku a plama parsialmente riba tera, probablemente komo resultado di bientu. Selibon a usa un excavator pa tapa e kandela ku tera. Polis tambe tabata na e sitio.

Mardugá di 12 di yanüari, un otro kandela a surgi na e lèntfel, siguiente dia despues di e insidente anterior. No a suministrá informashon ofisial ainda tokante e kousa di e di dos kandela aki. Mirando e situashon di e dia anterior, ta sospechá ku e kandela aki tambe ta relashoná ku kandela bou di tera.