Papiamentu
E kapital hulandes a anunsiá un prohibishon riba uso di fatbikes den Vondelpark, un di e parkenan mas bishitá den e siudat. E medida nobo lo drenta na vigor entrante 11 di mei 2026 i tin komo meta prinsipal pa redusí riesgo di seguridat pa peatonnan i otro bishitante nan.
Fatbikes, definí komo baiskelnan ku tayernan èkstra hanchu i asistensia di pedal eléktriko, a bira hopi popular. Sin embargo, nan uso tambe a resultá den un oumento di insidentenan, spesialmente den lugánan okupá manera Vondelpark.
Segun e regla nobo, durante e promé simannan despues di implementashon, koredónan lo risibí atvertensia. Despues di e periodo aki, lo kuminsá emití multanan. Adultonan por enfrentá multanan di aproksimadamente €115, miéntras ku hóbennan entre 12 pa 15 aña por haña un multa di €57.50.
E prohibishon ta apliká solament parti paden di Vondelpark, mientras usuarionan di fatbike por sigui kore riba kaya i rònt di e parke sin problema.
Ku e medida aki, ta spera di garantisá un ambiente mas sigur i agradabel pa tur hende ku ta hasi uso di un espasio publiko.
Kargando komentarionan...