Papiamentu
Konstrukshon di un edifisio nobo pa Skol Básiko De Pelikaan ta kla pa kuminsá, despues ku plannan di konstrukshon i finansiamentu a keda definitivamente aprobá. E proyekto lo wordu realisá riba tereno di e anterior Kolegio Papa Cornes, den estrecho kolaborashon ku Fundashon Propiedat Inmóbil Boneiru.
Despues di un periodo intensivo di preparashon i kordinashon entre diferente instansia, tur kondishon nesesario awor ta na nan lugá. Ku esaki, e proyekto ta pasa oficialmente di fase di planifikashon pa fase di ehekushon. Riba término kòrtiku lo kuminsá ku preparashon di e sitio di konstrukshon pa e promé trabounan por kumisa tuma lugá.
Segun diutado Silberie, e progreso akí ta un paso importante den e esfuerzonan pa mehorá infrastruktura di enseñansa riba Boneiru. E tereno skohé ta ofresé un lokalidat sentral ku suficiente espasio pa atendé e kresementu di e kantidat di alumno.
E edifisio nobo lo kontribuí direktamente na solushoná e falta di kapasidat di skol i lo ofresé un ambiente di enseñansa moderno ku ta kumpli ku normanan aktual di sostenibilidat i kalidat
Kargando komentarionan...