Papiamentu
Polis ta investigando varios keho di ladronisia di baiskelnan eléktriko i un lus LED ku a wordu reportá den último dianan.
Djamars, 9 di yüni, a drenta un keho di ladronisia di un baiskel eléktriko despues ku deskonosínan a haña akseso na un kas na Kaya Delta. E sospechosonan a bai ku un ‘fatbike’ koló pretu, modèl V8.
E mesun dia, a drenta un otro keho di ladronisia di un baiskel eléktriko ku tabata stashoná dilanti di un kompleho di apartamentu na Kaya Sabana. Den e kaso aki, ta trata di un ‘fatbike’ koló pretu di marka EB2.
Un dia promé, djaluna 8 di yüni, polis tambe a risibí un keho relashoná di ladronisia di un baiskel eléktriko. Segun e informe, deskonosínan a hòrta e ‘fatbike’ for di tereno di un kas na Kaya Korona.
Ademas, e mesun dia a drenta un keho di ladronisia di un lus LED ku tabata pegá riba un baiskel eléktriko. E insidente a sosodé riba tereno di un skol na Kaya Amsterdam, kaminda deskonosínan a bai ku e lus na momentu ku e baiskel tabata stashoná.
Polis ta investigando tur e kasonan.
Kargando komentarionan...