E promé anochi pre-eliminar di Festival Kanto Krioyo 2026 a tuma lugá ku un tiki retraso na inisio, pero a finalisá sin komplikashonnan mayor.

Durante e anochi a presentá sinku agrupashon musikal ku a kompañá un total di 13 partisipante riba tarima. Kada agrupashon a duna apoyo musikal riba nivel den estilo krioyo, mustrando diversidat i kreatividat di músika lokal.

E organisashon a informá ku e retraso na komienso a sosodé pa motibunan tékniko relashoná ku fayo di ekipo di zonido. Esaki a kousa ku e programa a inisiá un tiki lat, pero despues ku a resolvé e problema, e evento a kana sin interupshon.

Apesar di e inisio un tiki lat, públiko a mantené un ambiente positivo i a sigui apoyá tur e kantantenan. E energia den stadion a keda fuerte durante henter anochi, ku públiko aplaudiendo i gosando ku entusiasmo.

Vários a resaltá ku e nivel i kalidat di e kantantenana den e ronda pre-eliminatorio ta prometedor ku bista pa e buèlta final di e festival.

Na final di e programa, Fundashon MOK a gradisí e públiko i partisipantenan pa nan pasenshi i fleksibilidat, i a re afirmá ku tur e siguiente anochi pre-eleminar lo wòrdu manehá ku mas stabilidat tékniko.

Festival Kanto Krioyo 2026 ta sigui su trayekto ku ophetivo di promové talento lokal i mantené e tradishon di muzik krioyo na Boneiru bibu.

Advertisement