Papiamentu
Pacific Tsunami Warning Center (PTWC) a informá den Tsunami Message Number 2 ku, ounke tin olanan di tsunami ku por ta peligroso pronostiká pa algun kosta despues di temblor fuerte di magnitut 7.1 serka di kosta di Venezuela, no tin menasa di tsunami pa otro áreanan ku ta kubrí pa e mensahe.
Den e boletin publiká na 2240 UTC (18:04 ora lokal), PTWC a indiká ku altura real di olanan na kosta por varia for di loke a wordu pronostiká, pa motibu di insertidumbre den e pronóstiko i karakterístikanan lokal.
Segun PTWC, altura máksimo di tsunami riba isla chikí, 'atolls' òf lugánan ku rif di koral por ta konsiderablemente ménos ku loke e pronóstiko ta indiká.
E boletin ta deklará: "Pa tur otro áreanan kubrí pa e mensahe aki, no tin menasa di tsunami, ounke kambio chikí den nivel di laman por tuma lugá."
E temblor a sosodé na 2205 UTC na un profundidat di aproksimadamente 10 kilometrò serka di kosta di Venezuela. PTWC a bisa ku outoridatnan nashonal ta responsabel pa evaluá e situashon lokalmente i emití kualke medida di alerta òf instrukshon adishonal ku ta nesesario.
Habitantenan den área na kosta ta keda konsehá pa sigui informashon ofisial i sigui instrukshon di outoridatnan kompetente mientras ku e evento ta sigui bou di monitoreo.
Kargando komentarionan...