Papiamentu
Diferente pais den Europa no ta apoyá operashonnan militar di Merka i relashonnan den NATO ta bou di preshon inmenso
Vários gobièrnu Europeo ta tumando distansia di e operashonnan militar aktual di Merka den Medio Oriente, loke ta mustra klara mente ku e aliadonan di Merka nota kontentu ku e situashon aktual.
Lídernan di entre otro Italia, Spaña i Fransia a indiká ku nan no ta dispuesto pa partisipá direktamente i a pone restrikshon riba uso di nan basenan militar pa mishon ofensivo. Nan ta enfatisá nesesidat pa evitá eskalashon i duna espasio pa solushonnan diplomátiko den medio di tenshon ku Irán.
E desishon aki ta pone preshon riba NATO, unda unidat tabata semper un base importante den kolaborashon ku Merka. Miéntras ku algun miembro ta sigui sostené Washington, otro paisnan ta opta pa un kaminda mas kuidadoso.
Mas aleu e situashon aki por afektá e relashon entre NATO i Merka, pa motibu ku koordinashon militar por bira mas difísil i proseso pa tuma desishon por tuma mas tempu. Na mes momento, e por stimulá Europa pa bira mas independiente i tuma desishonnan mas stratégiko.
Ku e desaroyo aki, ta bira kla ku relashonnan ta kambiando, ku posible konsekuensianan grandi pa futuro kolaborashon entre Europa i Merka.
Kargando komentarionan...