Papiamentu
Rijksinstituut voor Volksgezondheid en Milieu (RIVM), bou di e Ministerie van Volksgezondheid, Welzijn en Sport, a indiká ku habitantenan di Boneiru ta preokupá seriamente tokante kontaminashon di medio ambiente i efektonan riba nan salú.
Segun RIVM, e problema mas urgente ta e situashon na lèntfel na Lagun. Habitantenan ku ta biba den serkania ta eksperensiá kehonan manera benout, tosamentu i doló di wowo, spesialmente ora tin kandela riba e seru di shushi.
RIVM ta enfatisá ku tin nesesidat pa akshon inmediato. Nan ta konsehá Entidat Públiko Boneiru pa:
- Kuminsá midimentu di supstansianan dañino den aire i suela rònt di lèntfel
- Hasi investigashon di salú den komunidat serkano
- No laga investigashon ta motibu di tardansa di solushonnan práktiko
Tambe RIVM ta señalá ku tin falta di dato riba kalidat di medio ambiente. Pa e motibu ei, nan ta rekomendá pa invertí den monitoreo struktural di aire, awa i suela, i pa warda e informashon pa uso den futuro.
E instituto ta indiká, ku mihó dato i akshon konkreto, gobièrnu por tuma desishonnan mas efektivo pa protehá salú públiko. E mensahe prinispal ta ku Boneiru tin nesesidat di akshon awor pa redusí kontaminashon i protehá salú di su habitantenan.
Kargando komentarionan...