Papiamentu
Kuerpo Polisial Karibense Hulandes (KPCN) ta investigando un atrako armá ku a tuma lugá djamars 23 di yüni alrededor di 10:25 di anochi na Kaminda di Lagun.
Segun informashon di polis, dos persona máskulino, probablemente entre 17 i 18 aña di edat, a sorprendé un siklista. Un di e sospechosonan tabatin un arma di kandela i a menasá e víktima. Durante e atrako, e sospechosonan a hiba un baiskel eléktriko tipo fatbike, un telefòn selular, un pòtmòni i un tas.
Despues di e atrako, e sospechosonan a fugá for di lugá. Un di nan a kore a pia, mientras ku e otro a bai riba e baiskel robá den direkshon ost.
KPCN ta hasi un yamado na miembro di komunidat ku por a mira, tende òf sa algu tokante e atrako armá aki pa tuma kontakto ku polis na number 715-8000. Informashon tambe por keda pasa di forma anónimo pa medio di e liña di tep 9310.
Investigashon den e kaso ta kontinuá.
Kargando komentarionan...